Vefur Gammadeildar. Delta-Kappa-Gamma. Félag kvenna í fræðslustörfum

Landssambandsþing

Fri, 05 May 2023 23:05:00 +0000

Landssambandsþing Delta Kappa Gamma verður haldið á Hótel Örk í Hveragerði dagana 13.-14. maí 2023.

Gammafundur 6. mars 2019

Thu, 28 Feb 2019 11:28:00 +0000

Kæru Gammasystur Fundur Gammadeildar miðvikudaginn 6. mars kl. 19:30 verður haldinn í Setbergsskóla. Dagskrá fundarins er að þessu sinni helguð snjalltækjum í skólastarfi með áherslu á innleiðingu snjalltækja innan skólakerfisins í Hafnarfir...

Gammafundur 4. febrúar 2019

Mon, 28 Jan 2019 10:51:00 +0000

Næsti fundur í Gammadeild verður haldinn þann 4. febrúar kl. 19:30 í Setbergsskóla. Aðalefni fundarins er kynning Gerður G. Óskarsdóttir á megin niðurstöðum tveggja rannsókna undir yfirskriftinni: Svipmyndir úr kennslustundum í íslenskum framhaldsskó...

Gammafundur 10. janúar 2019

Mon, 07 Jan 2019 14:39:00 +0000

Kæru Gammasystur Gleðilegt nýtt ár og bestu þakkir fyrir góðar samverustundir á liðnum árum. Nú styttist í fyrsta fund ársins sem verður haldinn í Stapaseli 12, heima hjá Ingibjörgu Jónasdóttur, fimmtudaginn 10. janúar kl. 19:30. Aðalefni fundari...

Bryndís Steinþórsdóttir er annar höfundur bókarinnar Við matreiðum, sem kom út í sjötta sinn fyrir stuttu

Tue, 10 Apr 2018 16:45:00 +0000

„Það hefur alltaf verið ótrúlega mikið um að fólk sem er að byrja að búa kann ekkert að matreiða," segir Bryndís Steinþórsdóttir, annar höfundur matreiðslubókarinnar Við matreiðum. Bókin kom fyrst út árið 1976 og hefur síðan verið notuð sem...

Jóhanna Einarsdóttir í Gammadeild hlýtur viðurkenningu fyrir framlag á sviði menntunar ungra barna.

Tue, 10 Apr 2018 16:15:00 +0000

Jóhanna Einarsdóttir, prófessor og forseti Menntavísindasviðs HÍ, hlaut viðurkenningu frá Illinois-háskóla í Bandaríkjunum fyrir framlag sitt til rannsókna á menntun ungra barna þann 9. mars síðastliðinn. Hún var í hópi níu vísindamanna sem hlutu við...

Gammadeild styrkir gott málefni.

Mon, 18 Dec 2017 22:17:00 +0000

Í tilefni af 40 ára afmæli Gammadeildar var ákveðið að veita félaginu Móðurmál styrk að upphæð 100 þúsund krónur. Styrkur þessi er veittur félaginu sem viðurkenning og hvatning til áframhaldandi góðra verka í þágu tvítyngdra barna. Ingibjörg Einarsdó...

Anh Dao Katrín Tran lauk doktorsprófi á haustdögum 2015

Mon, 28 Dec 2015 10:58:00 +0000

Gammakonan Anh Dao Tran lauk doktorsprófi frá Menntavísindasviði Háskóla Íslands á haustdögum 2015.

Ingibjörgu Einarsdóttur veitt viðurkenning Samtaka móðurmálskennara

Tue, 07 Jul 2015 10:18:00 +0000

Á vorfundi Samtaka móðurmálskennara 2015, sem haldinn var 26. maí í Gunnarshúsi, var Ingibjörgu Einarsdóttur Gamma-systur veitt viðurkenning fyrir mikið og óeigingjarnt starf í þágu móðurmálsins, meðal annars fyrir ötult starf í þágu Stóru upplestrarkeppninnar. Hjartanlega til hamingju, kæra Ingibjörg!

Menntavísindasvið hlaut hvatningarverðlaun Öryrkjabandalags Íslands

Thu, 04 Dec 2014 13:41:00 +0000

Menntavísindasvið Háskóla Íslands hlaut hvatningarverðlaun Öryrkjabandalags Íslands fyrir starfstengt diplómanám fyrir fólk með þroskahömlun.

Fréttir af Vorþingi á Ísafirði

Mon, 12 May 2014 14:18:00 +0000

Þessi frétt er nokkurn veginn samhljóða frétt hinna veföflugu Mýsystra. Vorþing landssambands DKG var að þessu sinni haldið á Ísafirði laugardaginn 10. maí. 13 konur úr Beta og Mý deild sóttu þingið.

Ingibjörg Jóhannsdóttir ráðin skólastjóri í Landakotsskóla

Sat, 28 Dec 2013 16:53:00 +0000

Okkar kona, Ingibjörg Jóhannsdóttir, sem var skólastjóri Myndlistaskólans í Reykjavík, tók við skólastjórastarfi í Landakotsskóla á haustdögum.

Fréttir af Gammakonum

Tue, 12 Nov 2013 22:35:00 +0000

Jóhanna Einarsdóttir skipuð forseti menntavísindasviðs HÍ Jóhanna hefur tekið við sem forseti menntavísindasviðs Háskóla Íslands. Við óskum henni alls velfarnaðar í starfi. Málþing til heiðurs Gerði Óskarsdóttur sjötugri Í tilefni af sjötugsafmæli Gerðar og útkomu bókar hennar um skil skólastiga efndu Rannsóknarstofa um þróun skólastarfs og skóla- og frístundasvið Reykjavíkurborgar til málþings henni til heiðurs þann 6. september s.l. Yfir tvö hundruð manns sóttu vel heppnað þing og glöddust með Gerði, þar á meðal margar Gammakonur. Við óskum henni innilega til hamingju. Bók Kristínar Bjarnadóttur, Vegleiðsla til talnalistarinnar Háskólaútgáfan hefur gefið út bók Kristínar, Vegleiðsla til talnalistarinnar, sem geymir þrettán greinar um íslenskar kennslubækur í reikningi og „nýja stærðfræði". Við óskum Kristínu innilega til hamingju með bókina en Gammakonur fögnuðu með henni í hófi hinn 30. september s.l.

Attentus, fyrirtæki Árnýjar hlýtur hvatningarviðurkenningu

Thu, 16 Feb 2012 10:05:00 +0000

Við óskum Árnýju Elíasdóttur innilega til hamingju með hvatningarviðurkenningu fyrir árið 2012 sem FKA (Félag kvenna í atvinnurekstri) veitti henni ásamt samstarfskonum sínum Ingu B. Hjaltadóttur og Ingunni Björk Vilhjálmsdóttur en þær eru stofnendur og eigendur Attentus ehf. Attentus veitir fyrirtækjum alhliða ráðgjöf í mannauðs- og fræðslumálum. Það býður upp á aðstoð við stefnumótun, þjálfun nýliða, stjórnendaráðgjöf, mat og þjálfun, vinnustaðagreiningu og áreiðanleikakannanir á sviði mannauðsmála. Auk þess er hægt að leigja hjá Attentus bæði fræðslu- og mannauðsstjóra og er mikil eftirspurn eftir slíkri þjónustu. Attentus hefur nýlega skrifað undir árssamning við fyrirtæki á borð við Ísfélagið í Vestmannaeyjum, Öryggismiðstöðina, Tal, Kex hostel og Nordic Visitor. Okkar kona hefur því í nógu að snúast á næstunni og óskum við henni velfarnaðar á þessari spennandi vegferð sem hún er á.

Sigrún Aðalbjarnardóttir sæmd heiðursmerki hinnar íslensku fálkaorðu

Mon, 23 Jan 2012 17:26:00 +0000

Við í Gammadeild erum afskaplega stoltar af okkar konu. En á gamlársdag var Sigrún Aðalbjarnardóttur prófessor, sæmd heiðursmerki hinnar íslensku fálkaorðu fyrir störf í þágu uppeldisvísinda og menntunar. Við óskum henni innilega til hamingju og er hún vel að riddarakrossinum komin. Það er vel við hæfi að minnast þess að fjórar aðrar konur í Gammadeild hafa verið sæmdar heiðursmerki hinnar íslensku fálkaorðu. Rannveig Löve fyrrverandi kennari, fékk riddarakross árið 2011 fyrir brautryðjandastarf á sviði lestrarkennslu og störf að málefnum berklasjúklinga. Anh-Dao Tran, kennslufræðingur og verkefnisstjóri fékk riddarakross árið 2006, fyrir störf í þágu nýrra Íslendinga og íslensks fjölmenningarsamfélags. Árið 2000 fékk Vilborg Dagbjartsdóttir, kennari og rithöfundur, riddarakross fyrir fræðslu og ritstörf. Og árið 1999 fékk Gerður G. Óskarsdóttir, fræðslustjóri, riddarakross fyrir störf að fræðslu- og skólamálum.

Á rauðum sokkum baráttukonur segja frá

Tue, 25 Oct 2011 14:20:00 +0000

Í byrjun nóvember kemur út hjá Háskólaútgáfunni og Rannsóknastofu í kvenna- og kynjafræðum (RIKK) bókin Á rauðum sokkum baráttukonur segja frá. Í bókinni segja tólf konur frá starfi sínu með Rauðsokkahreyfingunni fyrstu ár hennar. Þar af eru tvær konur úr Gammadeild, þær Gerður G. Óskarsdóttir og Vilborg Dagbjartsdóttir og ein úr Etadeild Elísabet Gunnarsdóttir. Haustið 2010 voru liðin 40 ár frá eiginlegum stofnfundi hreyfingarinnar árið 1970. Hver kona ritar sinn kafla og jafnframt leggur einn af frumkvöðlum hreyfingarinnar, skáldið Vilborg Dagbjartsdóttir, bókinni til tólf ljóð sem flest voru ort á áttunda áratugnum og eiga ríkan samhljóm með umfjöllunarefni frásagnanna.

Gammafundur þriðjudaginn 15. nóv. 2011 kl. 19:30

Fri, 07 Oct 2011 16:00:00 +0000

Fundurinn verður haldinn heima hjá Þórunni Björnsdóttur. Gestur fundarins er Helga Jónsdóttir lögfræðingur og ráðuneytisstjóri í efnahags- og viðskiptaráðuneyti. Hún mun fjalla um konur og stjórnsýsla.