Fréttir

Þá er komið enn eitt haustið og tillhlökkun í að hefja vetrarstarfið okkar. Fyrsti fundur haustsins verður mánudaginn 27. september kl. 18:30. Þá hittumst við á heimili formannsins í Bolungarvík. Vonandi sjá allar sér fært að mæta. Þema fundarins er drög að almennum kafla um aðalnámsskrá grunnskóla. Umræður og athugasemdir ef einhverjar eru. Sjáumst kátar og hressar!

 

Næsti fundur verður í Bolungarvík 27. apríl kl. 19.30. Mæting er í Náttúrustofu Vestfjarða, gengið inn frá Aðalstræti (á móti félagsheimilinu). Þorleifur Eiríksson forstöðumaður tekur á móti okkur og fer yfir starfsemi safnsins. Eftir að við höfum skoðað safnið förum við heim til Steinunnar að Vitastíg 18 og fáum eitthvað smálegt að narta í, röbbum saman og syngjum nokkur vorlög.

Fyrsti fundur ársins verður mánudaginn 26. jan. kl 19:30 að Móholti 11 á Ísafirði. Herdís Hübner kemur á fundinn og les úr nýrri þýðingu sinni á bókinni, Borða, biðja, elska. Munið nælurnar.

Listi yfir bækurnar sem við spjölluðum um á bókafundinum hefur verið settur inn.

Miðvikudaginn 30. janúar héldum við bráðskemmtilegan bókafund á heimili Guðrúnar Stefánsdóttur. Rétt í þann mund sem fundurinn átti að hefjast skellti á þvílíkt veður að ekki sást út úr augum. Samt vorum við tólf sem mættum og allar komumst við heim til okkar nema Anna Lind hún fékk að gista á Ísafirði.

Fundir deildarinnar veturinn 2007 - 2008