Heiðdís Norðfjörð

Heiðdís Norðfjörð fæddist 21. desember 1940 á Akureyri. Hún tók próf frá húsmæðraskólanum á Laugalandi 1959 og útskrifaður sem sjúkraliði 1975. Heiðdís hefur starfað sem forstöðukona við hjúkrun á dvalarheimili fyrir aldraða, læknafulltrúi við embætti héraðslæknis Norðurlands eystra, læknaritari við Heilsugæslustöðina á Akureyri, meðhjálpari við Akureyrarkirkju og dagskrárgerðarmaður hjá Ríkisútvarpinu.

Heiðdís hefur lesið sögur og ævintýri inn á fjölmargar snældur og samið lög við eigin texta og annarra, sem flutt hafa verið á hljómplötum og snældum og birt í blöðum og bókum. Má þar nefna lög hennar við ljóð Kristjáns frá Djúpalæk í barnabók hans, Sögunni af Pínu Pílu, auk laga og texta í barnasögunni Dolla dropa eftir Jónu Axfjörð. Heiðdís hefur einnig samið fjölmörg ljóð. Þau hafa m.a. birst í bókinni "Skáldatal íslenskra barna- og unglingabókahöfunda", svo og í blaði Félags íslenskra læknaritara „Læknaritarinn" .
Hún er gift Gunnari Jóhannssyni bifvélameistara og eiga þau þrjá uppkomna syni.

Bækur:

• Ævintýri frá annarri stjörnu, útg. Prentverk Odds Björnssonar, Akureyri 1977
• Bjössi og hvolpurinn hans, útg. Bókaútgáfan Skjaldborg, Akureyri 1981
• Ævintýrin okkar, útg. Bókaútgáfan Skjaldborg, Akureyri 1983 –
• Góður, betri, bestur, útg. Bókaútgáfan Skjaldborg, Akureyri 1988
• Stríðnisstelpa, útg. Bókaútgáfan Skjaldborg, Reykjavík 1992.
• Lítill Heimur / Hljóðbók / Viðurkenning í samkeppni um létt lesefni fyrir börn Námsgagnastofnunin í Reykjavík, árið 1984

Frumsamin ævintýri á snældum:

• Ævintýri frá annarri stjörnu, / frumsamin lög / Textar eftir Úlf Ragnarsson.
• Strákurinn sem vildi eignast tunglið,
• Vorið í garðinum
• Áramótaálfar
• Strákurinn með pottlokið ofl

Að auki hefur Heiðdís Norðfjörð lesið fyrir börn fjölmörg ævintýri og sögur.

Heimildir:
Elísabet Þórðardóttir, Guðríður Gísladóttir og Ingibjörg Sæmundsdóttir. 1992. Skáldatal : íslenskir barna- og unglingabókahöfundar. Lindin, Reykjavík.
Heiðdís Norðfjörð. 2007, 22. maí. Vefslóð: http://www.rjoma.is/heiddis/