226. fundur

TTil baka á fundargerðir
226. fundur Alfadeildar haldinn 23. október 2014

36 konur voru mættar til fundarins.

Fundurinn var haldinn í Borgartúni 12, í fundarsal Reykjavíkurborgar sem heitir Kerhólar.

 Stjórn Alfadeildar ákvað að bjóða til fundarins öðrum deildum DKG í Reykjavík (ETA,Gamma,Kappa og Lambda) og er það í anda þeirrar samþykktar sem gerð var á landsfundi samtakanna þ.e. að auka samstarf milli deilda.

1.Formaður Alfadeildar Steinnunn Ármannsdóttir setti fundinn og bauð fundarkonur velkomnar.

2. Á meðan beðið var eftir fyrirlesaranum var boðið upp á kaffi og meðlæti. Þannig gafst fundarkonum úr fleiri deildum tækifæri til að hittast og spjalla. 

3. Menntamálaráðherra Illugi Gunnarsson kynnti Hvítbók um umbætur í menntun. Ráðherra var með langt og áhugavert erindi um stefnu stjórnar í menntamálum.

Eftir erindið var boðið upp á fyrirspurnir frá fundarkonum sem nýttu sér það. Miklar og skemmtilegar umræður spunnust um Hvítbókina.

4. Ætlunin var að  Fanný Gunnarsdóttur námsráðgjafi í Háaleitisskóla kynnti „Áfram" verkefnið sem er þróunarverkefni um skil milli

grunnskóla og framhaldsskóla. Þegar hér var komið hafði fundurinn dregist svo mjög á langinn að ákveðið var að fresta Áfram erindinu til janúarfundarins. 

Formaður sleit fundi