moya

Gammadeild efnir til samfélagsviðburðar til að safna fyrir Menntasjóð Mæðrastyrksnefndar fyrir ungar mæður í viðkvæmri stöðu. Samvera í Safnahúsi Listasafns Íslands verður kósý stund með kynningu frá Mæðrastyrksnefnd, tónlist, samsögn og happdrætti auk þess sem við gæðum okkur á kræsingum frá Gammasystrum.

Jólafundur með hefðbundinni dagskrá, hittumst í heimahúsi og rautt þema. Ingibjörg Einarsdóttir ætlar að stikla á stóru um sögu Gamma deildar og svo fáum við rithöfundinn Sigríði Hagalín í heimsókn en hún ætlar að segja okkur frá nýjustu bókinni sinni Vegur allra veraldar - skálkasaga. Að sjálfsögðu verður pálínuboð að hætti Gamma systra og má gera ráð fyrir að borðin svigni undan jólakræsingum.