Fréttir

Við ætlum að hittast í Bræðraborg að þessu sinni og fræðast um starfsemina hjá þeim Nanný og Ásgerði.

Við vorum víst búnar að ræða það að hittast frekar kl. 19 svo það er réttur tími á fimmtudaginn :-)

Við héldum okkar fyrsta fund á Gamla sjúkrhúsinu þann 18. september en hófum fundinn þó í Neðstakaupstað. Þar fræddumst við aðeins um kaupstaðinn og gengum svo sem leið lá um bæinn i sögugöngu. Það var býsna kalt og því flestar fegnar að komast í hús þar sem okkar beið yndisleg fiskisúpa sem Bryndís sá um.  Aðalbjörg var með orð til umhugsunar og ræddi um nærumhverfið, hversu mikilvægt það er að þekkja það og temja sér þau orð sem notuð eru í nærumhverfinu. Að venju brast hópurinn á með söng, svona til að hita sig upp fyrir súpuna og kaffið. Okkur gafst líka tækifæri til að skoða sýningu á verkum Þórdísar Egilsdóttur sem var sal Listasafnsins en Þórdís var einstök hannyrðakona og fóru verk eftir hana víða um heim. 

Þann 5. október s.l. héldum við upp á alþjóðadag kennara 

Á fundinum okkar í Súðavík kviknaði sú hugmynd að halda hádegisverðarfund, kannski í apríl, þar sem við myndum vera með áhugaverð fræðsluerindi, elda súpu og baka brauð og bjóða með okkur í það minnsta fimm konum. Hver um sig myndi síðan greiða 1000 - 1500 krónur í pott fyrir samverustundina.

Febrúarfundur okkar í IOTA deild var haldinn í Súðavík 28. febrúar. Það var yndislegt að fá að heimsækja Súðavíkurskóla þar sem Anna Lind og Jóna Ben, okkar góðu DKG félagskonur tóku á móti okkur.

Þriðji fundur haustsins var haldinn 29. nóvember. Að þessu sinni var áherslan lögð á okkar eigin sköpunargleði. Við hittumst í bílskúrnum hjá Aðalbjörgu og hennar ektamanni, Gísla þar sem þau hjón höfðu undirbúið komu okkar með því að klippa niður greinar í jólakransa. Síðan nutum við þess að vefja hvern listakransinn á fætur öðrum og fyrr en varði voru allar komnar með DKG jólakransa til að skreyta heimilið fyrir jólin. Að því loknu fórum við í næstu götu, í stássstofu Eddu og hennar fjölskyldu. Þar nutum við matmikillar súpu með heimabökuðu brauði og héldum hefðbundin félagsfund IOTA deildar. Orð til umhugsunar var Andrea með en hún velti fyrir sér trúarbragðakennslu, ólíkum viðhorfum til trúarbragðakennslu í skólum og sköpuðust skemmtilegar og áhugaverðar umræður um málefnið. Auðvitað bar listir og menningu á góma og svo margt, margt annað. Það voru nærðar og ánægðar DKG konur sem héldu heim að fundi loknum, sem að þessu sinni dróst aðeins framyfir tveggja tíma hefðbundinn fundartíma.

Þriðji fundur haustsins var í lok nóvember. Eins og áður er áherslan á listir og sköpun. Að þessu sinni leyfðum við eigin sköpunarþörf að njóta sín. Við hófum samverustundina á því að búa til jólakransa úr lifandi greinum í bílskúr einnar félagskonu þar sem eiginmaður hennar aðstoðaði við að klippa niður greinar.

Annar fundur vetrarins verður miðvikudaginn 20. október 2010. Þá ætlum við að heimsækja nýstofnaðan leiklistarskóla Kómedíuleikhússins. Það er stofnandinn sjálfur, Elfar Logi Hannesson sem ætlar að taka á móti okkur í húsnæði skólans.

Mánudaginn 27. september kl. 18:30 hefst fyrsti fundur okkar í Iotadeild.  Fundurinn verður í raun tileinkaður stórum viðburði í okkar vestfirska samfélagi, en það er opnun Bolungarvíkurganga. Þessi mikla samgöngubót gerir okkur DKG konum ekki síst léttara fyrir að hittast án þess að þurfa að hafa áhyggjur af veðri og vindum en Óshlíðin tilkomumikla og hættulega hefur stundur verið okkur þrándur í götu við að hittast þegar illa viðrar yfir veturinn. Nú er því tímabili endanlega lokið og við jafnt sem aðrir íbúar svæðisins getum óhindrað ekið leiðina milli Bolungarvíkur og Ísafjarðar. Við höfum ákveðið að fara saman á Náttúrugripasafnið á þessum fyrsta fundi hauststins og skoða þar sérstaka sögusýningu sem sett hefur verið upp í tilefni af opnun ganganna. DKG konur hafa áður heimsótt Náttúrugripasafnið og Náttúrustofu og hlýtt þar á forstöðumanninn Þorleif Eiríksson kynna starfsemina. Þessa sögusýningu Óshlíðarinnar má enginn hins vegar láta framhjá sér fara og því ákváðum við að breyta örlítið út af áður auglýstri dagsskrá og skella okkur á sýninguna. Að því loknu njótum við matar heima hjá formanninum, Soffíu Vagnsdóttur. Það er gaman að vetrarstarfið skuli vera hafið.