Fréttir

Veðrið var fallegt og himinn logaði þegar Epsilonsystur dreif að í morgunsárið. Mæting var góð og sagt var frá 21 bók. Sigríður Guðnadóttir skráði bókatitlana sem hægt er að nálgast hér á síðunni - einnig frá fyrri bókafundum.

Fundurinn var haldinn í Hruna 26. nóvember 2025.

Vel heppnað málþing Epsilondeildar um líðan barna og unglinga var haldið í Fjölbrautarskóla Suðurlands 30. október 2025. Þetta er annað málþing sem Epsilondeildin stendur fyrir, en hið fyrra var haldið fyrir tveimur árum á sama stað og bar yfirskriftina „Lykill að læsi.“

Epsilonsystur komu saman á laugardagsmorgni í Leikskólanum Óskalandi í Hveragerði. Þar tóku á móti þeim Gunnvör leikskólastjóri og Harpa. Þær, ásamt Guðlaugu sem er nýlega hætt störfum á Óskalandi, sáu um undirbúning fundarins. Eftirvænting var meðal Epslonsystra að sjá nýju viðbygginguna við leikskólann. Fundurinn hófst í eldri hluta leikskólans þar sem Margrét formaður setti fund með því að tendra kertin samkvæmt hefði. Þakkaði undirbúningsnefnd fyrir undirbúninginn og bauð gesti velkomna, þær Evu Hrönn og Kristjönu.

Margrét Guðmundsdóttir setti fund og kveikti á rauðu kertunum sem tákna vináttu, trúmennsku og hjálpsemi. Undirbúningsnefndinni var þakkað fyrir að undirbúa fundinn sem fram fór í Fjölbrautarskóla FSu. Í nefndinni voru: Soffía Sveinsdóttir og Guðríður Egilsdóttir. Af 28 félagskonum voru 23 mættar.

Í dag fóru systur vorferð í Borgarnes að hitta Deltasystur. Deildirnar tvær héldu sameiginlegan fund í Landnámssetrinu.

Epsilondeildin hélt fimmta og jafnframt síðast fund vetrarins á Hafinu Bláa í Ölfusi. Systur úr Þorlákshöfn aðstoðuðu við að skipuleggja fundinn og var þeim þakkað með fallegri rauðri rós.

Fyrsti fundur nýs árs var að venju bókafundur. Erna Ingvarsdóttir opnaði heimilið sitt fyrir Epsilon-systrum sem komu allar með bók í farteskinu. Fjórtán mismunandi bækur voru kynntar og spjallað um.

Jólafundur Epsilondeildar var haldinn í Betri stofunni á Eyrarbakka 27. nóvember 2024.

Annar fundur Epsilondeildar var haldinn í Lesstofu Bókasafns Árborgar á Selfossi. Til að komast í Lesstofuna þurfti að fara niður í kjallara og í gegnum mjög draugalegan gang. Þar var að finna líkkistu, gapastokk, beinagrindur og annað óhugnanlegt. Myrkir dagar voru á bókasafninu.