15.12.2017
Starf zeta deildar haustið 2017
Í haust hafa verið haldnir 3 fundir í Zeta deild. Vinnufundur var haldinn á Reyðarfirði í september og vetrarstarfið skipulagt. Ákveðið var að þema vetrarins yrði listir í leik og starfi.
Lesa meira
14.04.2017
Skemmtilegur og fjölbreyttur fundur í umsjón þeirra Bjargar og Jórunnar. Fundurinn hófst í Norðurljósahúsinu á Fáskrúðsfirði.
Lesa meira
28.03.2017
Gestur fundarins var Jón Ingi Sigurbjörnsson og sagði hann okkur frá fornleifauppgreftri á fjallkonunni á Vestdalsheiði.
Lesa meira
30.11.2016
Formaður setti fundinn og Hildur Vala kveikti á kertunum. Helga las upp
markmið félagsins og minnti á vorráðstefnuna á Akureyri í maí. Síðan tóku þær:
Hildur Vala, og Steinunn við fundarstjórn.
Hildur Vala var með
orð til umhugsunar og ræddi um þau vandamál og áhyggjur sem við berum með okkur
og hvað er til ráða. Hún las vers úr Hávamálum sem fjalla um áhyggjur og sjálfsgagnrýni og hve fánýtt það sé að gera sér áhyggjur. Breytum því
sem við getum og höfum ekki áhyggjur af hinu. Don´t worry, be happy. Umræður
sköpuðust um orð Hildar Völu.
Halla Höskuldsdóttir
leikskólastjóri sat fundinn með okkur og eftir að hafa snætt kjúklingasalat
fórum við í heimsókn með Höllu á nýja leikskólann, Eyrarvelli sem tók til starfa
nú í ágúst.
Lesa meira
30.11.2016
Hittumst á
Café Nilsen á Egilsstöðu. Fundurinn var í umsjón þeirra: Helgu Guðmunds, Kristínar
og Ruthar.
Kristín
Hlíðkvist flutti orð til umhugsunar og sagði frá aðdraganda að kvennafrídegi
1975. Hún sagði okkur frá þremur konum í Búðardal, sem tóku þá góðu ákvörðun að
fara til Reykjavíkur og taka þátt í útifundi þar. Rætt var um mikilvægi
samstöðu kvenna og að gera þurfi hana sýnilegri.
Helga minnti
okkur á vorráðstefnuna á Akureyri í byrjun maí og hefur nú þegar verið bókaður sumarbústað
í Kjarnaskógi svo vonandi hafa einhverjar félagskonur tök á að fara norður.
Eftir fundinn
var haldið í Sláturhúsið, Menningarmiðstöð Fljótsdalshéraðs. Þar tók Íris
Sævarsdóttir á móti okkur og sagði okkur frá starfseminni og starfi sínu sem
fræðslufulltrúi.
Lesa meira
30.11.2016
Formaður, Helga Steinsson setti fundinn og greindi frá efni
fundarins. Hún fór yfir stofnun samtakanna, tilgang þeirra og markmið.
Helga benti einnig á
mikilvægi þess að félagskonur tækju að sér formannshlutverkið til þess að
kynnast starfinu enn betur.
Orð til umhugsunar flutti
Halldóra Baldursdóttir og sagði hún okkur frá skólasögu Eskifjarðar
í tilefni af 230 ára kaupstaðarafmæli Eskifjarðar sem haldið var upp á nú
í haust.
Eftir fundinn var haldið á Hótel Eskifjörð og snædd kjúklingasúpa. Síðan var haldið heim í köldu og fallegu haustveðri með dansandi norðurljósum.
Lesa meira
01.11.2014
Fimmtudaginn 6. nóv. verður annar fundur vetrarins haldinn á kaffihúsinu Bókakaffi í
Fellabæ.
Dagskrá:
1. Fundur settur kl 18:00.
2. Orð til umhugsunar. (Hrefna)
3. Frásögn af aðalfundi DKG í Reykjavík. (Sigga Dís)
4. Matur: Matarmikil súpa, heimabakað brauð, kaffi og
döðlukrútt. (kr. 1800)
5. 19:00 Farið á Héraðsskjalasafn Austurlands á
ljósmyndasýningu.
Leiðsögn um sýninguna Austfirskir
kvenljósmyndarar. Sýningin fjallar um ævi og störf fjórtán kvenna sem lærðu ljósmyndun og
störfuðu á ljósmyndastofum á Austurlandi árin 1871-1944.
6. Haldið heim á leið....... í myrkrinu.........
Lesa meira
02.09.2014
Stjórnin er búin að setja saman dagskrá vetrarins og fyrsti fundurinn verður
haldinn á Neskaupsstað þriðjudaginn 23. september kl. 18:00. Dagskráin verður kynnt síðar.
Lesa meira
07.05.2014
Fundurinn verður haldinn í sumarhúsinu Lundi í Úlfsstaðaskógi þann 18. mai kl 11:00-14:00. Þar sem þetta er aðalfundur
verður m.a. stjórnarkosning, orð til umhugsunar o.fl. áhugavert. Einnig er boðin þátttaka á námskeið sem nefnist stjörnuoddar
og leiðbeinandi er Sigrún Jóhannesdóttir. Boðið verður upp á fiskisúpu og brauð.
Lesa meira
01.04.2014
Ákveðið hefur verið að fresta fundinum sem vera átti 7. apríl fram yfir páska. Ákvörðun um nýjan fundardag verður ekki tekin
fyrr en eftir páskana.
Lesa meira