2. Fundur Lækjarbrekka, umræða um loftlagsmál

Fundur í Etadeild fimmtudaginn 2. nóvember 2019, Kl. 17:00-19:30. Haldinn í Litlu Brekku.

Fundarmenn:

Anna Sigríður, Auður L., Auður T., Auður Ö., Ágústa, Bergþóra, Björg, Bryndís G., Hulda Karen, Kristín Helga, Magnea, Ragnhildur, Stefanía og Þórunn.

Gestur Kristínar Helgu: Helga Þórðardóttir.

Undibúningshóp skipuðu: Bryndís G., Hulda Karen, Ólöf Helga, Auður T., Stefanía og Bergþóra.

Dagskrá:

1. Björg formaður setti fund, kveikti á kertum og skipaði Bryndísi fundarstjóra.

2. Umræða um loftslagsmál.
Á undirbúningsfundi nefndarinnar var einhugur um að beina sjónum að einhverju málefni sem er ofarlega á baugi nú, og urðu loftslagsmál fyrir valinu. Ákveðið var að leita til einhverra þeirra ungmenna sem hafa verið virk í umræðum og athöfnum um þau mál. Til okkar kom Nóam Óli Stefánsson 14 ára nemandi í Hlíðaskóla.

Hann kvaðst ekki mikið hafa velt fyrir sér loftslagsmálum áður en Greta Thunberg kom fram á sjónarsviðið. En síðan þá hefur hann tekið virkan þátt í föstdagsmótmælum á Austurvelli og beitt sér í þágu málstaðarins á öðrum sviðum, t.d. með því aðræða við   aðra nemendur og reyna að hafa áhrif á viðhorf þeirra. Hann sagðist mikið hafa lært og að almennt væri mikil fáfræði sem mikilvægt væri að vinna gegn. Hann sagði að misjafnlega væri tekið í föstudagsskróp og að ekki væri ýkja mikið fjallað um loftslagsmál í skólanum. Aðspurður svaraði hann að lífsstílsvandi hans kynslóðarværi vissulega þröskuldur, en það væri óhjákvæmilegt að lifa á umhverfisvænan hátt og hann sæi að viðhorf unga fólksins væri að breytast. Hann gagnrýndi
stjórnvöld fyrir andvaraleysi og aðgerðarleysi og hafði á orði að ýmsum fullorðnum fyndist  unga fólkið ekki hafa mikið vit á málinu. En það er ekki framtíð hinna fullorðnu   sem málið snýst um. Aðspurður sagðist hann verða var við loftslagskvíða, en það væri skiljanlegt þegar horft er upp á aðgerðarleysið.
Fundarkonur voru fullar aðdáunar á þessum unga manni sem flutti mál sitt óhikað og af mikilli sannfæringu, studdist ekki einu sinni við minnispunkta og svaraði öllum spurningum hikstalaust.
Eftir að Nóamyfirgaf fundinn spunnust áfram miklar umræður.

3. Bergþóra flutti orð til umhugsunar.

Hún gerði að umtalsefni þær breytingar sem orðið    hafa á þjónustu ýmiss konar. Fólki hafi verið útrýmt og vélar tekið við. Þar með hafi allt orðið ópersónulegra, bros, kveðjur og samskipti horfið. Að lokum las hún ljóð eftir Ara Jósefsson: Fólk er mikilsvert og verðskuldar gott líf.

4. Fundi slitið.

Auður Torfadóttir skráði.¶

 


Síðast uppfært 24. jan 2020