Starfsáætlun Etadeildar 2006–2013

Hópaskipting

Stjórnin hefur komið sér saman um að þema vetrarins taki mið af 7. grein markmiða DKG samtakanna sem hljóðar svo:

Að fræða félagskonur um það sem er efst á baugi í efnahagsmálum, félagsmálum, stjórnmálum og menntamálum og stuðla með því að vaxandi skilningi og virkri þátttöku þeirra í samfélagi þjóðanna. Þetta er vítt og ætti að rúma margvísleg viðfangsefni. Svo þarf líka að passa upp á að hafa skemmtilegheit með.

Tilraun sem hófst í fyrra með breytilega fundartíma gafst nokkuð vel og verður haldið áfram með það. Fundarsókn á jólafund hefur að undanförnu ekki verið sérlega góð og þess vegna er spurning hvort ekki eigi að prófa að hafa jólafund með einfaldara sniði. 

Við höfum líka farið út í það að hafa meiri fjölbreytni í fundarstöðum, t.d. vinnustaði, opinbera staði, heimahús og hafa veitingar einnig með mismunandi sniði.

Það sem hópum er ætlað að gera:

• Ákveða fundarstað og veitingar
• Fá einhverja til að flytja orð til umhugsunar.
• Skrá fundargerð og koma henni til Þórunnar (thorunnb@hi.is). Þórunn hefur hannað fundargerðarblað sem þið fáið sent. 
• Koma dagskrá, upplýsingum um kostnað, stað og stund í hendur formanns með viku fyrirvara. Formaður sér um að senda út fundarboð og taka við meldingum á fundinn..
• Hvetja konur til að mæta á fundinn og á fundi almennt. 

Hafið endilega samband við stjórn ef einhverjar upplýsingar vantar.

Þær sem eru feitletraðar sjá um að kalla hóp saman. 

Starfsáætlun Etadeildar 2012–2013

Sem fyrr er deildarsystrum skipt í fjóra hópa sem hver um sig sér um og skipuleggur einn fund í samráði við stjórn deildarinnar. Fyrsti og síðasti fundur starfsársins er í höndum stjórnar. Stjórnin ákvað að vera ekki með fyrirfram ákveðið þema eða efnisflokka, þannig að hópar hafa frjálsar hendur innan þess ramma sem markmið deildar og samtaka marka okkur. Við ætlum að fræðast, láta gott af okkur leiða, hugsa saman og hafa það gaman saman. Stjórnin ákvað að prófa að hafa mismunandi fundartíma og sjá hvernig það mælist fyrir. Einnig var ákveðið að hafa meiri fjölbreytni í fundarstöðum, t.d. vinnustaði, opinbera staði, heimahús og hafa veitingar einnig með mismunandi sniði.