Fréttir

Fyrsti fundur á nýju ári verður haldinn að Grand Hóteli, miðvikudaginn 17. febrúar kl. 18-21.  Takið daginn frá en nánari dagskrá kemur innan tíðar.

Vegna ófyrirsjáanlegra aðstæðna þarf að gera breytingar á fundardegi 3. febrúar.Fundurinn verður færður eitthvað aftar í febrúar. Upplýsingar um fundardag og efni munu berast ykkur fljótlega.  Einnig mun marshópurinn skipta við febrúarhópinn og annast undirbúning fundar. Við vonum að þessar litlu tilfærslur komi ekki að sök.  

Hinn árlegi jólafundur Eta-deildar verður haldinn á heimili Stefaníu 16. desember kl. 18:00.

Gönguhópur DKG hóf göngu sína 3. nóvember. Margrét Jónsdóttir í Gammadeild mun leiða hópinn. Ákveðið er að hittast við Perluna fyrsta þriðjudag í mánuði kl 17:30– 18:30. Allar DKG konur eru velkomnar hvar á landinu sem þær búa.

Þá fer að líða að fundi tvö í vetur. Sá verður haldinn fimmtudaginn 29. október kl. 18:30 en þá mun Guðrún Hrefna taka  á móti okkur í Fjölbrautaskólanum í Breiðholti.  Dagskrá má finna hér.

Fyrsti fundur vetrarins verður haldinn í Verslunarskóla Íslands mánudaginn 21. september kl. 18:30.  Markmið fundarins er að efla innbyrðis tengsl okkar. Sjá dagskrá hér.

Verður vor í lofti þann 28. apríl? Þess skulum við óska því á Árbæjarsafni er yndislegt þegar tekur að hlýna. Þar mun Guðný Gerður Gunnarsdóttir, borgarminjavörður og félagi í Kappadeild taka á móti okkur Eta konum. Við skoðum nokkur hús og sýningar og borðum síðan í Dillonshúsi. Það er engin önnur en Marenza Poulsen sem sér um að framreiða en hún segir: ,,Við erum með mjög  gott salat með marineruðum kjúklingi og heimabökuðum brauðum á 1950 krónur á mann, ég mæli alveg með því, og er það góð máltíð. Við erum með vínveitingar ef þið hafi áhugað á léttvínsglasi.“   Yfir matnum gefst okkur kostur á að spyrja Guðnýju Gerði út í starf Kappadeildar.   Mæting kl. 18.   Látið vita (rlund@ismennt.is), ja því ekki núna fyrir páska, annars er hætta á að það gleymist. Þessi fundur er skipulagður af hópi innan Etadeldar vinnur að því að efla tengsl við konur í öðrum deildum. Í honum eru Jóhanna Einarsdóttir, Ósa Knútsdóttir, Ingibjörg  Símonardóttir og Rannveig Lund.

Mæting við Gerðuberg kl. 18:00 Dagskrá: 1. Gönguferð um nágrennið í góðra kvenna hópi frá 18.10-18.50 2. Gerðuberg: Fundur settur 3. Orð til umhugsunar: Þórunn Blöndal 4. Fiskréttur frá Gallerí fiski (sem rekur núna kaffiteríuna í Gerðubergi).  Verð: 2000 kr. Hægt verður þess utan að kaupa kaffi og tertusneið. 5. Kynni Eta-systra treyst. Verkefni: Í tengslum við síðasta liðinn eru konur beðnar um að TAKA MEÐ SÉR EINN EÐA TVO HLUTI/MYNDIR sem tengjast lífi þeirra og lýsa með einhverjum hætti persónu þeirra. Við reiknum með að ljúka fundinum á bilinu 20.30-21. KONUR ERU BEÐNAR AÐ TILKYNNA UM ÞÁTTTÖKU SÍNA (AF EÐA Á) Í SÍÐASTA LAGI   SUNNUDAGINN  1. MARS: stinagus@hi.is   Nauðsynlegt vegna matarins.  

Boðað er til fundar í Etadeild miðvikudaginn 21.janúar kl.18.00 í veitingastaðnum Thorvaldsen bar, Austurstræti 8. Pantaður er á hópinn rétturinn Chicken masala, sem kostar kr. 1690. Þær sem vilja geta sérpantað rétt dagsins (fiskur) á kr. 1990. Kaffið kostar kr. 300. Látið vita fyrirfram ef þið veljið fiskinn, annars er kjúklingurinn sjálfvalinn. Vinsamlegast tilkynnið Guðrúnu Hrefnu (gudhre@simnet.is) um mætingu fyrir mánudaginn 19. janúar. Fundurinn er skipulagður af nefnd sem á að sjá um að finna verkefni utan deildar til að vinna að.

Upplýsingar um niðurröðun í hópa og fundi vetrarins eru komnar inn.  Það má finna undir "Starfsemin" - "Vetrardagskrá".