Margrét Gunnarsdóttir Schram, félagi í Alfadeild er látin

Margrét Gunnarsdóttir Schram, félagi í Alfadeild lést 13. maí 2025 92 ára að aldri. Margrét var fædd 31. desember 1932 á Akureyri. Margrét var stúdent frá Menntaskólanum á Laugarvatni og menntuð fóstra. Hún vann á fleiri leikskólum, lauk kennaranámi frá Fósturskóla Íslands og starfaði lungann af starfsævi sinni við kennslu barnabókmennta við þann skóla. Margrét var einn af stofnfélögum Alfadeildarinnar en sú deild var stofnuð 7. nóvember 1975. Margrét sat sem meðstjórnandi í fyrstu stjórn Alfadeildarinnar 1975-1978 og tók við sem formaður deildarinnar frá 1978 – 1980. Hún var erlendur bréfritari deildarinnar frá 1986-1988, gjaldkeri deildarinnar frá 1992-1994 og ritari deildarinnar frá 2000- 2002. Hún var meðstjórnandi, 2004-2006, 2008-2010 og 2016-2018. Margrét var heiðruð fyrir 40 ára starf í Alfadeildinni og DKG og svo aftur á nýafstöðnu afmælisþingi 10. – 11. maí s.l. fyrir 50 ára starf. Margrét var alla tíð virkur félagi í Alfadeildinni og lét sig starfið varða. Hún mætti á fundi eins og heilsan leyfði og var með á jólafundi deildarinnar 30. nóvember s.l. Félagskonur í DKG á Íslandi minnast Margrétar með þakklæti og virðingu og votta fjölskyldu hennar dýpstu samúð. Útför Margrétar fer fram frá Áskirkju 28. maí 2025 kl. 15.00.