Afmælisrit

Delta Kappa Gamma, alþjóðleg samtök kvenna í fræðslustörfum fögnuðu áruð 2025, 50 ára starfsafmæli sínu á Íslandi. Af því tilefni er meðal annars gefið út veglegt afmælisrit þar sem stiklað er á stóru í merkri sögu samtakanna og varpar ljósi á framlag þeirra til íslenskrar menntasögu.
Í hinu nýja riti er sögu samtakanna gerð góð skil, allt frá upphafi þeirra í Bandaríkjunum árið 1929 undir forystu Annie Webb Blanton, til blómlegs starfs á Íslandi í hálfa öld. Bókin geymir meðal annars:

  • Kveðju frá heiðursfélaga samtakanna, Vigdísi Finnbogadóttur ásamt með kveðju frá alþjóðaforsetanum og svæðisstjóra Evrópu. 
  • Frásagnir 35 félagskvenna um reynslu þeirra af starfinu.
  • Yfirlit yfir þing, námskeið og útgáfustarfsemi.

Ritstjórn bókarinnar skipuðu Sigrún Klara Hannesdóttir formaður ritstjórnar, félagi á Alfadeild og fyrrum stofnfélagi samtakanna, Ingibjörg Elsa Guðmundsdóttir Alfafeild, Pernilla Rein Iotadeild og Sigrún Jóhannesdóttir Deltadeild.
Í tengslum við 30 ára afmæli samtakanna var ráðist í að gefa út mjög glæsilegt og veglegt afmælisrit með greinum um uppeldis- og fræðslumál eftir félagskonur. Þetta fallega og fróðlega rit er nú því miður uppselt en hægt  að nálgast á bókasöfnum og ef til vill fornbókasölum. Hér er hægt að skoða efnisyfirlitið, en einnig má skoða ritið á baekur.is, vef Landsbókasafns Íslands – Háskólabókasafns. Þar er einnig hægt að hlaða niður ritinu á .PDF formi.
Félag kvenna í fræðslustörfum 20 ára
Þegar landssambandið átti 20 ára afmæli var gefinn út bæklingur með ágripi af sögu DKG á Íslandi fyrstu 20 árin. Með því að smella á tengilinn má lesa bæklinginn sem PDF skjal.

 

 

 

.

 


Síðast uppfært 29. jan 2026