Fréttir

Þeir félagar í Delta Kappa Gamma sem hyggjast flytja erindi á annaðhvort alþjóðasambandsþingi eða Evrópuþingi gefst kostur á að sækja um eilítinn styrk til fararinnar hjá landsambandsstjórn. Umsóknareyðublað vegna styrksins má bæði finna á þessari slóð og þessari og þarf að sækja um styrkinn með góðum fyrirvara áður en til fararinnar kemur.  Ákvörðun um styrkupphæð er tekin hverju sinni.

Laugardaginn 2. júní hélt Betadeild upp á 35 ára afmæli sitt. Á þeim tímamótum er tilefni til að heiðra konu fyrir vel unnin störf að mennta- og/eða menningarmálum og hefur deildin gert það á fimm ára fresti. Að þessu sinni varð Rósa Guðrún Eggertsdóttir sérfræðingur á miðstöð skólaþróunar við Háskólann á Akureyri fyrir valinu en hún hefur lagt mikið að mörkum til menntamála. 

Í nýjasta eintakinu af Broadcasting the Buzz er umfjöllun um nýafstaðið vorþing DKG hér á Íslandi þar sem farið er mjög lofsamlegum orðum um þingið og íslensku landsamtökin. Skoðið endilega blaðið :-)

Nú nýlega lauk kjöri til formanns European Forum nefndar til næstu tveggja ára. Ingibjörg Jónasdóttir í Gamma deild, fráfarandi landsambandsforseti, hlaut flest atkvæði og verður því formaður nefndarinnar næstu tvö árin. Ingibjörgu er hér með óskað innilega til hamingju með kjörið.

Okkur hefur borist tilkynning um útgáfu fréttabréfsins hjá DKG systrum í Alpha Zeta State í New Jersey. Það má nálgast á þessari slóð: http://deltakappagamma.org/NJ/newsletter.html

Alþjóðaforseti sem dvaldi hér með okkur á vorþinginu 28. apríl síðastliðinn hefur sent okkur bréf með þakklæti fyrir ráðstefnuna og móttökurnar. Bréfið má nálgast hér

Alþjóðanefndin „Ad Hoc Arts and Humanities Committee “ hefur ákveðið að kanna áhuga DKG systra á því að boðið verði upp á þann möguleika að sýna og/eða skoða alls konar skapandi verk félagskvenna á Netinu. Eða eins og þær segja sjálfar: 

Guðrún Halldórsdóttir, ein úr hópi stofnfélaga Delta Kappa Gamma á Íslandi og félagi í Alfa deild er látin, eftir erfið veikindi. Við minnumst hennar með þakklæti í huga fyrir vel unnin störf í okkar þágu.  Guð blessi Guðrúnu Halldórsdóttur. Sigríður Ragna Sigurðardóttir, forseti landssambandssins.

Okkur hefur borist vorfréttabréf systra okkar í Epsilon deild í Louisina. Hægt er að nálgast það með því að smella hér.

Nú liggur dagskrá vorþingsins þann 28. apríl fyrir. Þema þingsins er sótt í núverandi leiðarljós samtakana: Frá orðum til athafna. Frummælendur eru valdir með markmið og leiðarljós samtakana í huga. Jafnframt gefst félagskonum færi á að ræða málin frekar í málstofum. Dagskrána í heild sinni má nálgast hér.