Fréttir

Svana Friðriksdóttir í Gammadeild fékk fyrir nokkrum dögum úthlutað DKG Scolarship og óskum við henni hjartanlega til hamingju. Þetta minnir okkur á það að vera duglegar að sækja um þá styrki sem í boði eru hjá samtökunum, en þeir eru allnokkrir. Fræðast má nánar um styrkina á þessari síðu.

Nýtt eintak af EuForia var að fara inn á vefinn okkar. Ritið er að þessu sinni helgað 5 ára afmæli landsambandsins í Eistlandi.

Fyrsti fræðslufundurinn var haldinn hjá Lambdadeild í Reykjavík miðvikudaginn 13. mars eftir að hafa frestast um viku vegna óveðurs!

Vakin er athygli á því að nú eru komnar frekari upplýsingar um Evrópuráðstefnuna í sumar, bæði á vef alþjóðasambandsins og Evrópuvefnum. Einnig er mars/apríl hefti NEWS fréttabréfsins komið á vefinn og þar eru líka upplýsingar um ráðstefnuna.

Marshefti fréttabréfs Educational Foundation’s Liaison er komið út. Þar er að finna yfirlit yfir þá sem fengu úthlutað styrkjum úr Lucile Cornetet sjóðnum sem auglýstur var hér á vefnum fyrir skömmu síðan.

Nú hefur dagskrá landsambandsþingsins okkar litið dagsins ljós en þingið verður haldið á Hótel Heklu dagana 4. og 5. maí næstkomandi. Dagskrána, ásamt nánari upplýsingum um skráningu og kostnað, má nálgast á upplýsingasíðu um þingið. 

Delta Kappa Gamma konur í Svíþjóð bjóða okkur velkomnar á landssambandsþingið sitt sem haldið verður í Falun dagana 20.–21. apríl næstkomandi. Dagskrá þingsins fylgir hér með.

Theta State News – fréttabréf DKG í New Mexico er komið út þetta vorið. Njótið :-)

Pre-Conference Seminar á Evrópu Forum verður þriðjudaginn 6. ágúst 2013, frá kl.  9:00 – 16:00, daginn fyrir Evrópuráðstefnu DKG í Amsterdam. Umræðuefni dagsins verður: Education for everyone. Frekari upplýsingar eru á Evrópuvefnum.

Umsóknarfrestur til að senda inn umsókn (proposal)að erindi (workshop) fyrir Evrópuþingið í sumar rennur út 15. febrúar (nokkrir dagar fram yfir það gengur upp). Umsóknarformið er á alþjóðasambandsvefnum. Það þarf að fylla út og senda til Mariku Heimbach á netfangið:  famheimbach@t-online.de. Þetta er kjörið tækifæri fyrir konur að kynna sín vísindaverkefni og listsköpun af öllum gerðum. Athugið þó að ekkert er greitt fyrir þátttökuna.