Fréttir

Þær sem ætla á Evrópuþingið til Amsterdam eru minntar á að skrá sig fyrir 7. júní. Eftir þann tíma hækkar gjaldið úr 99 evrum í 150.

Á undan Evrópuþinginu í sumar, þriðjudaginn 6. ágúst, heldur Forum nefndin „Pre Conference“. Umræðuefnið er Menntun fyrir alla. Þar munu verða innlegg nokkurra landa um það sem er efst á baugi í Evrópulöndum. Þær sem ætla að taka þátt eru beðnar að tilkynna þátttöku til Ingibjargar Jónasdóttur á netfangið ij@host.is. Gjaldið fyrir daginn, 20 Evrur, er innheimt við upphaf dagskrár og er hádegismatur innifalinn. Nánar má lesa um starfsemi Evrópuforum í pistli frá formanni þess, Ingibjörgu Jónasdóttur.

Júní- heftið af Euforia er komið á vefinn. Þar má finna kynningar á nýjum landsambandsforsetum á Evrópusvæðinu, umfjöllun um landsambandsþing nokkurra landsambanda ásamt ýmsu fleira efni.

Í dag bjó ég til lokaðan hóp á Facebook fyrir okkur DKG konur á Íslandi (tengillinn er hér neðst í veftrénu til visntri). Þetta er lokaður hópur en þó ekki lokaðri en svo að allir meðlimir eiga að geta bætt öðrum DKG konum inn í hópinn. Hópnum er ætlað að vera vettvangur fyrir óformlega samskipti okkar DKG kvenna á milli. Látið þetta endilega berast okkar á milli og vonandi höfum við eitthvert gagn og gaman af :-) Eygló vefstjóri

Á vef alþjóðasambandsins er nú könnun í gangi um ýmsa þætti sem lúta að framkvæmd svæðaráðstefna (í okkar tilfelli Evrópuráðstefna). Endilega farið á vefinn og svarið þessum örfáu spurningum sem í könnuninni eru. Þið finnið hana á þessari slóð: http://www.surveymonkey.com/S/CX2JSSN  

Þórunn Bergsdóttir, ein úr hópi stofnfélaga Betadeildar lést aðfararnótt laugardagsins 11. maí eftir erfið veikindi. Við minnumst hennar með söknuði og þakklæti í huga fyrir vel unnin störf í okkar þágu og þökkum henni samfylgdina. Jafnframt sendum við aðstandendum okkar dýpstu samúð. Guð blessi Þórunni Bergsdóttur.

Skýrslur deilda og nefnda frá síðustu tveimur starfsárum  (2011–2013) er komin á vefinn.

Við vekjum athygli ykkar á því að dagskránni á landsambandsþinginu á laugardaginn hefur verið flýtt um hálftíma. Dagskráin hefst sem sé klukkan 9:30 í stað 10:00 sem hafði áður verið auglýst.

Maí/Júní eintakið af Strenghtening the Buzz, fréttabréfi Communication and Publicity nefndarinnar, var að fara á vefinn rétt í þessu. Það finnst  undir Útgáfumál

Á sameiginlegum fundi Alfa- og Þetadeilda í apríl flutti Bryndís Guðmundsdóttir, aðstoðarskólastjóri Akurskóla í Reykjanesbæ, orð til umhugsunar.  Bryndís hefur gefið ritnefnd DKG leyfi til að birta þennan áhugaverða pistil svo félagskonur í öllum deildum fái notið og fylgir hann hér með ásamt myndum frá fundinum.