Fréttir

Á forsíðu vefs alþjóðasambandsins eru núna komnar myndir frá Íslandi og ef smellt er á þær, ræsist upp síða þar sem fjallað er um Ísland og DKG á Íslandi og á henni eru tenglar í ýmsar síður sem fjalla um Ísland.  Pistilinn mun Dr. Sigrún Klara Hannesdóttir í Alfadeild hafa tekið saman. Sennilega er þetta fyrsti pistillinn af fleirum þar sem fjallað verður um þau lönd og/eða fylki sem eiga aðild að Delta Kappa Gamma. Það verður spennandi að fylgjast með!

Ingibjörg Jónasdóttir landssambandsforseti og Sigrún Klara Hannesdóttir afhentu UNICEF það sem safnaðist hjá DKGkonum í verkefnið Schools for Africa í desember. Sjá nánar um verkefnið  http://dkg.muna.is/is/moya/page/afrikuverkefnid og á vef UNICEF http://unicef.is/node/856

Fréttabréf (Volume 1, Issue 2) frá Delta Kappa Gamma Society Educational Foundation var að berast okkur. Það má nálgast hér. Við vekjum jafnframt athygli á að næsti frestur til að sækja um í Lucile Cornetet Professional Award for Professional Development  rennur út 1. febrúar.

Rannveig Löve var í hópi 12 Íslendinga sem forseti Íslands sæmdi heiðursmerki hinnar íslensku fálkaorðu á nýársdag.

Pre-Regional Conference Seminar haldið þriðjudaginn 2. ágúst 2011 mun bera yfirskriftina Educational challenges in the 21st Century - "Haven´t you heard, Miss, us boys don´t read". Þar mun verða fjallað um þá erfiðleika sem kennarar eru að glíma við meðal annars varðandi lesskilning.

Í tilefni jólanna mun gönguhópurinn hittast við Hallgrímskirkju í Reykjavík, miðvikudaginn 15. desember kl. 17:30, ganga hring um bæinn og fá sér heitt súkkulaði saman.

Við bendum á söfnunina Schools for Africa sem við stöndum að í samstarfi við UNICEF. Það er kynning á verkefninu í haustblaði Fréttabréfsins og undir  Starfsemi – Afríkuverkefnið hér til hliðar. Það væri skemmtilegt ef deildirnar eða einstaka systur leggðu eitthvað af mörkum t.d. á jólafundi til þessa verkefnis. Ef jólafundir eru afstaðnir þá bendum við konum að leggja inn á reikning Landssambands DKG, 546-26-2379, kennitala: 491095-2379 og setja UNICEF sem skýringu.  Við munum afhenda Unicef fyrstu upphæðina milli jóla og nýjárs. Vinsamlegast komið þessu á framfæri við konur í ykkar deildum.

Vakin er athygli á, að á alþjóðasambandsvefnum er nú hægt að nálgast rafræn eintök af umsóknum fyrir vinnustofur („Workshop proposals“) og veggspjaldasýningar („InfoFair Requests“) á Evrópuráðstefnunni í Baden Baden næsta sumar. Umsóknareyðublöðin þarf að vista til sín og fylla út og senda í tölvupósti fyrir 15. febrúar til Kate York forseta Evrópusambandsins (yorkacm@tiscali.co.uk). Afar áriðandi er að nöfn á vinnustofum séu bæði „grípandi“ og laði að áheyrendur.

Væntanlega hefur hausteintakið af fréttabréfinu okkar nú borist til allra félagskvenna. Það er glæsilegt að vanda og stútfullt af skemmtilegu og fræðandi efni. Um leið og við bendum á að hægt er að nálgast blaðið rafrænt undir Útgáfumál – Fréttabréf DKG á vinstri vængnum hér til hliðar, vekjum við athygli á að góð hugmynd væri að skilja prentaða eintakið eftir að lestri loknum t.d. á kaffistofunni á vinnustaðnum eða biðstofum þar sem líklegt er að það kæmi að gagni. Hægt er að nálgast fleiri eintök hjá Sigrúnu Jóhannesdóttur í ritnefndinni ef þörf er á.

Haldið var upp á 35 ára afmæli Alfadeildar Delta Kappa Gamma samtakanna í Þjóðmenningarhúsinu laugardaginn 12. nóvember. Rúmlega 50 félagskonur í hinum fjölmörgu deildum DKG fögnuðu þessum tímamótum með félagkonum í Alfadeild og heiðruðu um leið 35 ára forsetaafmæli Fr. Vigdísar Finnbogadóttur, en Fr. Vigdís er  heiðursfélagi í DKG samtökunum. Marta Guðjónsdóttir formaður Alfadeildar setti fundinn og stýrði honum.