Fréttir

Landssöfnun Skottanna og aðildarfélaga þeirra gegn kynferðisofbeldi fer fram 16. október 2010 frá kl. 10:00–18:00. Salan fer fram í verslunum, verslunarkjörnum og öðrum fjölförnum stöðum um land allt. Barmmerkið Kynjagleraugun (1000 krónur) verður boðið til sölu en einnig bókin Á mannamáli (3000 krónur).

Alþjóðleg ráðstefna í Reykjvaík um kynferðisofbeldi í tilefni af Kvennafrídeginum. 24. október 2010 í Háskólabíó frá kl. 10:00 – 17:00.

Norrænar konur gegn ofbeldi, regnhlífarsamtök 230 norrænna kvennaathvarfa og Stígamót boða til ráðstefnu um nauðganir á Hótel Loftleiðum þann 22. – 23. okt. 2010.

Fundargerð framkvæmdaráðsfundarins 4. september 2010 er komin á vefinn.

Föstudaginn 1. október verður haldið málþing um ástir og átök kvennabaráttunnar á Íslandi, í stofu 132 Öskju, kl. 14.00-16.00. Samstarfsaðilar um málþingið eru Rannsóknastofa í kvenna- og kynjafræðum (RIKK) og Skotturnar, regnhlífasamtök kvennahreyfingarinnar á Íslandi. Tilefnið er Kvennafrídagurinn sem haldinn verður í þriðja sinn þann 25. október 2010.

Leiðtoganámskeiðið: Becoming Educators of Excellence var haldið 24.- 25.sept. 12 konur sóttu námskeiðið og áttu yndislega og uppbyggilega daga. Aðalleiðbeinandi var Barbara Whiting frá Bandaríkjunum.

Mánudagskvöldið 27. september mun Barbara Whiting kynna hugmyndafræði Amöndu Gore frá Ástralíu sem er heimsþekktur fyrirlesari og eftirsóttur leiðbeinandi fyrir leiðtoga.

Gönguhópur DKG sem stofnaður var síðastliðinn vetur mun halda áfram starfsemi sinni í vetur og mun ganga þriðja þriðjudag í hverjum mánuði. Fyrsta gangan verður á morgun, þriðjudaginn 21. september og er mæting hjá Perlunni kl. 17:30.

Við í DKG hér á Íslandi höfum hafið samvinnu við Skotturnar, sem eru opinn samstarfsvettvangur kvenna, sprottinn upp úr grasrót íslensku kvennahreyfingarinnar. Honum er ætlað að virkja allar konur til aðgerða í þágu jafnréttisbaráttu kvenna, með kvennafrídaginn sem útgangspunkt. Sjá nánar: http://kvennafri.is/skotturnar.

Sameinuðu þjóðirnar gerðu 8. september að alþjóðadegi læsis árið 1965. Það var þó ekki fyrr en árið 2009 að Háskólinn á Akureyri og Amtsbókasafnið efndu til samvinnu í því skyni að vekja athygli á mikilvægi læsis fyrir líf og starf.