Fréttir

Nýverið var hannað og tekið í notkun nýtt merki samtakanna. Það er til í nokkrum útfærslum og er aðgengilegt í hárri upplausn til útprentunar, en einnig í lægri upplausn til notkunar á vef. Merkin (ásamt öðrum merkjum samtakanna) má nálgast á vef alþjóðasambandsins.

Eins og komið hefur fram hér á vefnum fyrr á þessu ári, verður Evrópuþing Delta Kappa Gamma haldið í Osló í Noregi dagana 5.-8. ágúst næstkomandi.

Ákveðið hefur verið að framlengja frest til þess að skrá sig á landssambandsþingið til og með næstkomandi föstudags sem er 8. maí.

Nú eru komin drög að dagskrá landssambandsþingsins 16. og 17. maí. Þau má nálgast undir þinghald. Aðrar upplýsingar um þinghaldið má nálgast hér

Fyrrverandi alþjóðaforseti, (1976-1978), Nadine Ewing, lést sunnudaginn 8. mars. Nadine fæddist í Clinton, Iowa, 13. desember 1912. Hún starfaði lengst af í Joliet í Illinois og var síðustu árin skólastjóri Taft Elementary skólans í Joliet.

Nýjar upplýsingar vegna landssambandsþingsins í maí voru að berast hér inn á vefinn. Sjá nánar hér undir Þinghald-Landsabandsþing 2009

Undir Rafræn útgáfa eru komnir tenglar í blað sem International Communications Committee nefndin á vegum alþjóðasamtakanna gefur út.

Nýtt Euforia (janúar 2009) var sett á vefinn í dag. Hægt er að nálgast blaðið undir Rafræn útgáfa – Euforia. Einnig barst boð frá þýska landssambandinu um að sækja landsþing þeirra sem haldið verður í Etelsen dagana 1.-2. maí næstkomandi

Við minnum á að Evrópuþing Delta Kappa Gamma verður haldið í Osló í Noregi dagana 5. - 8. ágúst í sumar. Nánar má lesa um ráðstefnuna á vef norsku samtakanna. Nú er um að gera að bretta upp ermarnar og athuga með flugfar og gistingu í tíma!!

Í dag fékk landssambandið vottun fyrir árið 2009 á vefsíðunni sinni sent frá alþjóðasambandinu og þar með leyfi til að flagga tákni þar um á síðunni. Sjá hér neðst í vinstra horninu.