Fréttir

Eru ekki örugglega allar búnar að skrá sig á vorþingið og panta sér sæti í kvöldverðinn hjá henni Jónu Benediktsdóttur?

Við vekjum athygli á þessari ráðstefnu RannUng sem haldin verður í Bratta, Menntavísindasviði HÍ, föstudaginn 25. apríl frá kl. 13–16:30. Skráning er hafin á þessari slóð: http://menntavisindastofnun.hi.is/node/823

Alþjóðlega Communications og Publicity nefndin hefur tekið saman lista yfir vefsíður og „öpp“ sem gagnast gætu kennurum og þeim sem starfa við fræðslu. Vonandi gagnast þessi listi einhverjum! 

Samantekt um síðasta landsambandsþing sem haldið var að Hótel Heklu 4.-5. maí 2013 er komin á vefinn. Við þökkum Rósu Mörtu Guðnadóttur í Epsilondeild kærlega fyrir samantektina.

Þá er dagskrá vorþingsins sem verður haldið 10. maí á Ísafirði tilbúin, og komin á vefinn. Nú er um að gera að drífa í að panta gistingu (ef því er ekki þegar lokið), staðfesta skráningu með því að borga ráðstefnugjaldið og senda henni Jónu Benediktsdóttur pöntun á hátíðarkvöldverðinn.

Stjórnin auglýsir eftir sjálfboðaliða í European Forum nefndina.  Í Forum nefndinni, European Forum Committee, sitja fulltrúar frá öllum þátttökulöndunum níu. Evrópuforsetinn situr einnig í nefndinni sem ex-officio. Aðalverkefni Forum er að finna samhljóm landa innan Evrópusvæðisins, vera umræðutorg um áhugaverð málefni sem sameinar okkur sem DKG konur í samfélaginu.

Í augnablkinu er staðan sú með fréttakerfið okkar að tenglar inni í póstinum sem þið fáið virka ekki með réttum hætti, sem gerir það að verkum að ekki dugar að smella á tengla inni í póstinum sem þið fáið til að komast í fréttina. Málið er í könnun (og vonandi lagfæringu) hjá Stefnu og verður vonandi komið í lag sem fyrst. Þangað til verðið þið að fara inn á vefinn okkar til að skoða til fullnustu þær fréttir sem þið fáið tilkynningu um í tölvupósti.

Hjá alþjóðasambandinu er í gangi þjónustukönnun vegna þjónustu skrifstofunnar í höfuðstöðvum samtakanna. Allar konur sem notið hafa þessarar þjónustu eru beðnar að taka sér örfáar mínútur í að svara þessari könnun. Hér á Íslandi er líklegt að þetta eigi aðallega við um þær konur sem starfað hafa í alþjóðlegum nefndum, þó vissulega geti fleiri hafa notið þjónustunnar. Tengill á könnunina er hér að neðan:   https://www.surveymonkey.com/s/CD8FGBP

Nú er búið að uppfæra félagatalið okkar á vefnum. Þrátt fyrir mikla yfirlegu og að reynt sé að skrá allar breytingar jafnóðum og leiðrétta villur, þá virðast alltaf einhverjar villur slæðast með. Vinsamlegast skoðið félagatalið og sendið ábendingar um villur til vefstjóra (eyglob@unak.is) og Elínborgar formanns félaga- og útbreiðslunefndar (elinborg27@gmail.com) sem fyrst.

Nýjasta eintakið af Strengthening the Buzz er komið á vefinn. Hér er slóðin.