Fréttir

Á landssambandsþinginu núna um helgina var Dr. Sigrún Klara Hannesdóttir heiðruð fyrir störf sín í þágu Delta Kappa Gamma á Íslandi. Ásamt heiðursskjali var Sigrúnu einnig afhent hálsmen að gjöf sem var sérhannað af þessu tilefni.

Nú er vorfréttabréfið 2015 komið á vefinn. Ásamt fróðlegu efni af öllu tagi má þar einnig finna skýrslur deilda og nefnda þetta vorið.

Allra síðasti skráningardagur á landsambandsþingið er í dag, 6. maí.  Við hlökkum til að sjá ÞIG í Iðu á laugardaginn. Þingið hefst kl. 9:30 með skráningu. Dagskrá hefst kl. 10:00. Allar upplýsingar eru hér á forsíðu vefsins (undir myndinni).

Nú eru ekki nema örfáir dagar í landsambandsþingið en þó er enn hægt að skrá sig. Koma svo....frábær dagskrá á laugardeginum og svo aðalfundurinn okkar á sunnudeginum Hlökkum til að sjá þig :-)

Nýjasta Get Connected blaðið er komið á vefinn.

Um leið og minnt er á að nú fer hver að verða síðastur til að skrá sig á landsambandsþingið 9.–10. maí (fyrir 25. apríl) kynnir stjórnin tillögur að lagabreytingum sem kosið verður um á þinginu sem og tilnefningar í stjórn og nefndir.

Til að skrá sig á Evrópuþingið í sumar þurfa konur að nota númerið sitt (Member ID)  hjá samtökunum sem Username (það er númerið sem skrifað er á félagsskírteinið sem við fáum afhent á hverju hausti þegar árgjaldið hefur verið greitt). 

Nú liggur fyrir endanleg dagskrá landsambandsþingsins 9.–10. maí.

Núna er dagskrá landsambandsþingsins 9.–10. maí farin að taka á sig mynd og er fagleg dagskrá laugardagsins tilbúin.

Frestur til að sækja um í námsstyrkjasjóð sem rann út 1. mars síðastliðinn hefur verið framlengdur til 20. mars. Meginhlutverk sjóðsins er að styrkja félagskonur í Delta Kappa Gamma á Íslandi sem vinna að lokaverkefnum í meistara- og doktorsnámi eða öðru sambærilegu framhaldsnámi og er úthlutað úr honum annað hvert ár. Næsta úthlutun er núna vorið 2015.