Fréttir

Bryndís okkar Guðmundsdóttir flutti eftirtektarverð orð til umhugsunar á síðasta fundi Þetadeildar, sem haldinn var með Alfadeild á Slippbarnum í Reykjavík. Bryndís gaf ritnefnd leyfi til að birta orðin á vef samtakanna og þau má lesa á þessari slóð: http://dkg.muna.is/is/moya/news/ord_til_umhugsunar___bryndis_gudmundsdottir/

Bæjarráð Reykjanesbæjar samþykkir á fundi þann 7. mars s.l. að ráða Sóley Höllu Þórhallsdóttur skólastjóra Heiðarskóla.  Sóley Halla er ein af stofnfélögum í Þetadeild DKG á Suðurnesjum. Við sendum henni hamingjuóskir og óskir um velfarnað í lífi, starfi og leik.

Fundargerð febrúarfundarins er kominn á vefinn  sjá http://dkg.muna.is/theta/page/theta_25._februar_2013

Tveir leikskólar og einn grunnskóli í Innri-Njarðvík vinna árlega þemaverkefni um Þorrann. Börn á aldrinum fimm til sjö ára taka þátt í verkefninu um hundrað nemendur ár hvert. Nemendum er skipt í sex hópa sem fara á milli skóla og vinna saman ólík verkefni, en öll tengjast verkefnin annað hvort Þorranum eða gamla tímanum á einhvern hátt. Dæmi um verkefni sem nemendur hafa unnið eru: •        þæfing utan um steina,  •        dansað og sungið um Ólaf Liljurós,  •        þjóðsögur lesnar og sett upp leikrit,  •        gömlu mánaðarheitin eru kynnt,  •        Þorramatsbingó er spilað,  •        rúgbrauðs-, sviðasultu og smjörgerð,  •        unnið er í listasmiðju með kol og þjóðsögur,  •        leikið með gömul gull, (bein, horn),  •        Stekkjarkot er heimsótt (gamall endurbyggður burstabær í Reykjanesbæ), •        farið í leiki í Narfakotsseylu sem er útikennslusvæði skólanna þriggja.  Í lok vikunnar á föstudegi hittast svo allir í leikskólanum Akri til að dansa, syngja og gæða sér á þeim mat sem nemendur hafa búið til, sviðasultu og rúgbrauð með smjöri.  Þessi þemavika er afar skemmtileg og góður undirbúningur og aðlögun fyrir leikskólabörnin að hinu nýja umhverfi sem grunnskólinn er.  Börnin fara á milli skóla og kynnast því að vinna á mismunandi stöðum með mismunandi fólki, ekki endilega kennurum síns skóla.  Ávinningur barnanna er mikill og einnig kennaranna sem kynnast vel vinnu á þessum tveimur skólastigum.  Kristín Helgadóttir leikskólastjóri og ritari í Þetadeild    

Fundargerð síðasta fundar, jólafundarins, er kominn á netið. Minnum á bókafundinn 24. janúar 2013. Nánari upplýsingar senda út síðar.

Minnum á jólafundinn okkar sem haldinn verður þriðjudaginn 27. nóvember kl. 19 að Heiðarbóli 7. Brynja Aðalbergsdóttir segir frá mastersritgerð sinni „Viltu biðja jólasveininn um að gefa mér íslenskt nammi í skóinn?“, tónlist og veitingar í anda jólanna. Hvetjum alla félaga til að mæta og eiga saman góða stund.

Oddný G. Harðardóttir, Þetasystir, náði frábærum árangri í sínum verkefnum um helgina og við sendum henni árnaðaróskir.

Nú hefur vefurinn okkar fengið vottun frá aðalstöðvum DKG í Austin eins og sést á græna merkinu neðst á vinstri spássíunni. 

Fundargerð síðasta fundar er komin á vefinn sjá Fundargerðir > 2012-2012 >1. nóvember 2012 á vinstri spássíu.

Á síðasta félagsfundi í Þetadeild var kosið um þema starfsáranna 2012-14.  Fyrir valinu varð 7. grein markmiða DKG: Að fræða félagskonur um það sem efst er á baugi í efnahagsmálum, félagsmálum, stjórnmálum og menntamálum og stuðla með því að vaxandi skilningi og virkri þátttöku þeirra í samfélagi þjóðanna. Næsti fundur verður fimmtudaginn 1. nóvember í Duus-húsum. Fundurinn hefst kl. 17:45 og verður sameiginlegur fundur Alfa- og Þetadeilda. Nánar auglýst síðar.